الحقوا بنى سويف وسعت

موضوع: الحقوا بنى سويف وسعت 2008-04-17, 11:00 pm

احب اقولكم ان فى شويه حاجات حصلت مستغلين غياب عدد كبير من اعضاء الاسره فى القاهره
1- محافظ بنى سويف اتشال وجه مكان واحد اسمه ا/عزت عبدالله
2-
الواحات بقت تبع بنى سويف(يعنى بدل الواحد ميقول انا رحت الواحات اهى هيه اللى جاتلنا واحنا قاعدين مكانا)
وده طبعا نتيجه الاهميه الخارقه لمحافظه بنى سويف والرفاهيه اللى بيعانى منها(قصدى بيتمتع بيها )شعب بنى سويف فقالوا يوسعوها
3-العياط بقت تبع الفيوم(سبحان الله)يعنى اياك تكون رايح القاهره واول ما توصل العياط تقول انك قربت ده انت كده تهت ورحت الفيوم وانت مش واخد بالك

وكمان الصف واطفيح بقوا تبع الجيزه
يعنى الواحد ينام وهوا من الجيزه يصحى يلاقى نفسه فيومى وعجبى

4-اهم حاجه تاسيس كل من محافظه حلوان و6 اكتوبر
واضح انهم اتزنقوا فى 2 حبايبهم حبوا يعنوهم محافظين بس ملاقوش حته فايضه
وده طبعا فى اطار توجه الحكومه لحل مشكله البطاله
يعنى الواحد يتعين محافظ احسن ما يقعد من غير شغل ولا ايه!!!!!!!
انتوا عارفين ان اليد البطاله....................

وعمار يا مصر
يا ام النعم[code

موضوع: رد: الحقوا بنى سويف وسعت 2008-04-18, 7:47 pm

أول غلط فظيع هتودينا في داهيه المحاقظ الجديده اسمه

دكتور /عزت عبدالله مش استاذ يا بيه

هههههههههههههههههههههههههه

جامده جدا يا محمود التعليقات ديه

وعلى فكرة الرحله جايه لو قلنا خنروح الواحات ب 50 جنيه

الناس مش هتطلع هتقولك 50 جنيه ليه؟

ده احنا لسه جوه بني سويف

وياترى هيعملولنا مواصلات لحد هناك؟

مهي المفروض بلدنا

او يمكن يعملوا خط 14 سرفيس..

ويا ترى التاكسشي هيروح لحد هناك بكام؟؟

كلها اسئلة مستنين اجابتها وخلاص

_________________

موضوع: رد: الحقوا بنى سويف وسعت 2008-04-18, 8:24 pm

ههههههههههههههه
جامد
بس زى ما قولنا من شويه(لما كنا قاعدين مع بعض) ان هم عملوا كده لان بنى سويف تانى افقر محافظة والفيوم رقم واحد
فالمنافسة بينهم شديدة فعملوا كده عشان يقووا وضع بنى سويف وتحصل على الاول
حتى الفقر مش عارفين ناخد فيه الاول
بس زى ما قال اسامة ان احنا واخدين رقم واحد (الاول)هيييييييييييييييييه فى وفيات الاطفال
ومتنسوش دور المستشفى العام طبعا

موضوع: رد: الحقوا بنى سويف وسعت 2008-04-18, 8:51 pm

ههههههههههه

دلوقت يشيلوا المطبات والاشارات ويحفروا الطرق كلها ويركبوا الهوا في انابيب

_________________

تخلص من ذنوبك في دقيقتين بالضغط هنااا

موضوع: رد: الحقوا بنى سويف وسعت 2008-04-19, 5:37 pm

سبحان الله 00 اللهم لا اعتراض00
وعجبى!!
_________________

بلدي ورغم الكدب أنا لسة باصدقها..
خايف عليها من أزمة قلبية
وخايف كمان ما نقدرش نلحقها
وباحلم بموسم مطر
يغسل قلبها مش يغرقها
يا رب .. يا رب..
يا رب تحفظ ابتسامتها
لا يخطفها حرامي
ولا حزن يسرقها
.. بلدي
على سلامه 00

موضوع: رد: الحقوا بنى سويف وسعت 2008-04-19, 8:39 pm

الناس دي بتفكر ازاي؟؟؟؟؟هو كل ما يجي محافظ جامد يشيلوه!!!!!!!!! و الله ده حرام

موضوع: رد: الحقوا بنى سويف وسعت 2008-04-20, 9:52 am

علي فكرة بني سويف موسعتش
القرار اتعدل

وكمان الفيوم زي ما هي

الصف واطفيح راحوا حلوان

والعياط والواحات راحوا 6 اكتوبر

_________________

تخلص من ذنوبك في دقيقتين بالضغط هنااا

موضوع: رد: الحقوا بنى سويف وسعت 2008-04-20, 4:09 pm

اه القرار اتعدل تاني يوم
هييييييييييه شالو من عندنا الواحات لولولولي
_________________

موضوع: رد: الحقوا بنى سويف وسعت 2008-04-20, 4:24 pm

على فكره القرار لسه متعدل
يعنى القرار كان كده فى الاول
ده اكبر دليل
انهم بيلعبوا
عندى اقتراح
ممكن نقدم طلب يضموا لبنى سويف حته من شاطىء البحر المتوسط وبكده نزود السياحه فى بنى سويف ولا ايه رايكم!!!!!!!!!!

موضوع: رد: الحقوا بنى سويف وسعت 2008-04-20, 10:08 pm

موضوع: رد: الحقوا بنى سويف وسعت 2008-04-21, 12:04 am

يعني الواحد وهو رايح القاهرة من الصحراوي هيعدي على 3 محفظات او محفظتين

موضوع: رد: الحقوا بنى سويف وسعت 2008-04-21, 4:58 am

يا عم هي جات علي دا

دي البلد كلها بايظه

_________________
(¯`•.¸¸.•´¯`•.¸¸.->MOHAMED MOSTAFA

موضوع: رد: الحقوا بنى سويف وسعت 2008-04-22, 12:48 pm

يا ريت يضموا شرم الشيخ على بني سويف عل أساس الناس في المحافظتين شبه بعض
_________________

موضوع: رد: الحقوا بنى سويف وسعت 2008-04-23, 3:23 am

يا جماعه الدنيا بتتطور
بس هو بالطريقه ده بنى سويف اتحطت على الخريطه؟
_________________
DR.CATY
Living is Easy with Closed eyes